A Oficina de Apoio ao Pacto Rural organizou un laboratorio de políticas en Bruxelas para as partes interesadas e as autoridades locais e rexionais co fin de analizar en profundidade iniciativas locais inspiradoras e intercambiar ideas sobre como achegar o Pacto Rural aos cidadáns.
No marco da iniciativa do Pacto Rural, o laboratorio de políticas reuniu a máis de 100 participantes, axentes e organizacións locais pertinentes (por exemplo, grupos de acción local, aldeas intelixentes, asociacións, centros, terceiros lugares, etc.) que participan no deseño e a aplicación de iniciativas ou políticas que repercuten nas comunidades rurais locais. A actividade centrouse en como aplicar o Pacto e a Visión Rurais a nivel local. Para iso, os axentes locais puideron explicar as barreiras ás que se enfrontan sobre o terreo e axudaron á Oficina do Pacto Rural e aos representantes da Comisión Europea presentes a comprender a necesidade de abrir posibilidades para que os axentes locais decidan como abordar as necesidades e oportunidades locais.Eixo Atlántico do Noroeste Peninsular, socio principal de EDIN, fora seleccionado para asistir ao Policy Lab, non só para presentar o seu papel na Eurorrexión Galicia - Norte de Portugal, senón tamén para falar de EDIN e permitir aos actores locais doutras rexións europeas entrar no proxecto. Neste sentido, tivemos a oportunidade de coñecer outras iniciativas e proxectos centrados no despoblado, o que nos permitiu establecer sinerxías e intercambiar ideas e experiencias.
Durante as sesións de traballo expuxéronse cuestións interesantes: que ingredientes necesita o pacto rural para aplicarse de maneira eficaz a nivel local, como pode a Comisión Europea apoiar aos axentes locais para superar as súas dificultades á hora de obter fondos, e como poden as rexións rurais ser máis atractivas para o talento.
Os participantes chegaron á conclusión de que unha solución de «talla única» non é adecuada para as zonas rurais debido á súa variedade e particularidades. No seu lugar, os retos das rexións rurais deben abordarse cun enfoque holístico, escoitando as voces sobre o terreo. Para iso, é necesario establecer canles de comunicación ou unha figura de mediadores. Ademais, para revitalizar as zonas rurais, a Comisión Europea debe aproveitar os mecanismos existentes e evitar duplicar ou crear outros novos. Así mesmo, os participantes coincidiron en que a redución da burocracia e a simplificación das linguaxes de comunicación permitirán aos axentes locais participar máis activamente en iniciativas europeas como o Pacto Rural.
No noso caso, compartimos cos demais participantes o transfondo común dos socios de EDIN: o reto demográfico. Para superar esta cuestión, explicamos o obxectivo do noso proxecto: atraer nómades dixitais aos nosos territorios para desenvolver as nosas rexións. Os nómades dixitais son profesionais cualificados de sectores de alto valor engadido que poden traballar a distancia. Atraer DN aos territorios achega unha serie de beneficios como a achega de competencias e talento en áreas que os están perdendo, poden reforzar o servizo de proximidade e poden ser unha oportunidade para prescribir novas áreas a explorar en termos de turismo. Por tanto, vinculado ás ideas de «mediadores» mencionadas anteriormente, vemos aos nómades dixitais como un potencial elemento dinamizador dos nosos territorios.
En resumo, foi unha gran oportunidade para escoitar experiencias doutras rexións rurais/despobladas e propor ideas para mellorar o diálogo entre os responsables europeos e os actores locais, e por suposto, para difundir a palabra de EDIN!
Máis información en: https://ruralpact.rural-vision.europa.eu/events/bringing-rural-pact-closer-citizens_en