O programa de actividades presentou máis de 100 opcións
Xantar 2015 remata contando coa fidelidade dos profesionais do sector e do público xeral. A falta de contabilizar as visitas desta tarde, a organización estima que o salón acadou as 22.000 visitas e o número de comidas e ceas servidas polos 17 restaurantes supera as 17.800.
O programa de actividades de Xantar 2015 presentou máis de 100 opcións, cunha media de dúas experiencias por hora de duración do salón, foron seguidas por máis de 6.000 participantes, na súa meirande parte profesionais do sector que supoñen xa un 35% do total de visitas.
O programa incluíu exhibicións de cociña en directo na ques que participaron recoñecidos chefs de Galicia, Portugal e Costa Rica e nas que se puxeron en valor os produtos autóctonos e de calidade.
Outra das actividades que espertaron o interese dos profesionales foron as máis de 25 catas comentadas de produtos como o viño, licreos, queixo, a auga X-pinner de Costa Rica, mel, aceite, cogomelo, etc.
A estas actividades hai que engadir as distintas degustacións ofrecidas polos expositores como as de polvo á feira de Terras do Avia, de botelo de O Barco, de galo de corral de Vila de Cruces ou de viños de Amandi-Sober, por citar algunhas.