O Goberno galego vén de publicar a orde para o establecemento de medidas de prevención para facer fronte á crise sanitaria ocasionada polo COVID-19 en relación coa chegada á Comunidade Autónoma de Galicia de persoas procedentes doutros territorios.
As persoas que cheguen á Comunidade Autónoma de Galicia despois de ter estado, dentro do período dos catorce días naturais anteriores á dita chegada, en territorios cunha alta incidencia da COVID-19 en comparación coa existente na Comunidade Autónoma galega ou respecto dos cales non se dispoña de información ou de datos fiables sobre a situación epidemiolóxica existente neles, terán que seguir as regras contidas na seguinte orde publicada onte no DOG.
Os traballadores fronteirizos e persoas que crucen asiduadamente entre os dous países para estancias breves dentro do mesmo día (compras, servizos) só terán que rexistrarse unha vez, deixando baleira a data de saída na ficha do formulario.
En calquera caso esta medida é de carácter exclusivamente preventivo e sanitario e non condiciona ningún tipo de mobilidade dentro de Galicia para as persoas que a visiten nin obriga a ningún tipo de corentena nin medida similar. Ao mesmo tempo, garante a todos os visitantes a asistencia médica especializada en caso de síntomas compatibles coa COVID-19 e pretende unha detección temperá en caso de contaxio activo ou pasivo.
Ademais, segundo consta na orde, os datos dos visitantes e viaxeiros vense sometidos ás restricións de usos que establece a Lei de Protección de Datos. Estes datos só serán usados para fins sanitarios e borraranse nun prazo de 28 días naturais a partir da data de saída.
Para máis información https://www.sergas.es/
ORDE DA XUNTA PUBLICADA NO DOG
TERRITORIOS DE PROCEDENCIA . Esta resolución será actualizada cada 15 días.
TELÉFONO PARA A COMUNICACIÓN DE SÍNTOMAS: 881 00 20 21 (chamada nacional desde España)
TELÉFONO GRATUÍTO DE INFORMACIÓN: 900400116