Braga e o Eixo Atlántico recibiron ao grupo de expertos para comezar un proceso de cooperación entre ambas as cidades e unha rede internacional de referencia en innovación urbana e desenvolvemento urbano sustentable
No contexto do programa Cooperación Rexional Urbana e Internacional (IURC) da Unión Europea, no que participa o Eixo Atlántico, celebrouse en Braga unha reunión do grupo de expertos para comezar un proceso de cooperación entre ambas as cidades e unha rede internacional de referencia en innovación urbana e desenvolvemento urbano sustentable.
Braga e St John's comezaron a dialogar e a asociarse con novos compañeiros globais, aproveitando un grupo máis amplo de boas prácticas e seguindo modelos innovadores para lograr os seus obxectivos. As dúas cidades comezaron a cooperar en setembro de 2021, participando en varias convocatorias técnicas e agora realizando a primeira visita de estudo para traballar nas seguintes áreas temáticas:
- Mobilidade e transporte urbano sustentable, incluída a mobilidade eléctrica
- Turismo e cultura, incorporando o desenvolvemento sustentable e local
- Educación, traballos, habilidades, innovación e tecnoloxía
- Onda de renovación - eficiencia enerxética en edificios
O pasado xuño, unha delegación de Braga e do Eixo Atlántico visitaron a cidade de St John's iniciando o proceso de cooperación que se vai a estender até decembro de 2023, para desenvolver un Plan de Acción de Cooperación Urbana, que inclúe accións e proxecto pilotos capaces de crear impactos concretos
Durante esta visita a Braga abordáronse cuestións enerxéticas e demográficas, visitaron o proxecto Baterias 2030, un plan nacional que inviste en formas alternativas de xestión de enerxía. Trátase dunha colaboración público-privada na que participan universidades, municipios e empresas para responder dunha forma integrada e estruturada aos desafíos da descarbonización e da integración de enerxías renovables.
Ricardo Rio, Presidente da Cámara Municipal de Braga e Vicepresidente do Eixo Atlántico, asegurou que: “Nos últimos anos, juntamente com o Eixo Atlântico, temos realizado um trabalho de prospecção junto de diversas cidades e organizações internacionais na procura de oportunidades de inovação para os vários domínios da actuação municipal. Através desta cooperação internacional, estamos a trabalhar em conjunto para encontrar soluções comuns e desenvolver estratégias para um desenvolvimento urbano integrado e sustentável”.
A delegación de Canadá visitará tamén Santiago de Compostela. Durante a xornada visitarán os puntos turísticos máis emblemáticos da cidade e presentaranlle o proxecto Bodah.
Esta visita está financiada polo programa IURC da Comisión Europea.