Con esta conexión, a compañía ofrece aos galegos a posibilidade de acceder aos seus destinos en Norteamérica, Brasil, África e outros países europeos
Os voos serán operados por avións ATR 72 de 70 pasaxeiros e están xa dispoñibles desde 57 euros.
A aerolínea TAP, Air Portugal, voará dúas veces ao día entre Lisboa e Santiago de Compostela a partir do próximo 5 de xuño de 2020, segundo informou a compañía nun comunicado.
Os voos serán operados por avións ATR 72 de 70 pasaxeiros e están xa dispoñibles desde 57 euros, impostos incluídos, ou por 6.000 millas (ida) co programa de viaxeiros frecuentes Miles & Go da aerolínea portuguesa. Os billetes xa poden ser adquiridos.
As saídas de Lisboa a Santiago de Compostela terán lugar todos os días da semana ás 8:30 e ás 14:05, chegando á cidade galega ás 11:05 e ás 16:40 respectivamente (hora local).
Na dirección oposta, os voos sairán de Santiago de Compostela ás 11:45 e ás 17:20 , chegando ao aeroporto Humberto Delgado ás 12:10 e ás 17:45 respectivamente (hora local).
Con esta conexión, ademais de achegar as capitais de Portugal e Galicia, TAP tamén ofrece conexións entre as cidades do sur de España e Santiago de Compostela a través de Lisboa, ademais de ofrecer aos galegos aos destinos da compañía en Norteamérica, Brasil, África e outros países europeos onde voa a compañía lusa.