Do 22 ao 24 de setembro, Pontevedra acolle Pont-Up Store, unha iniciativa de apoio ao emprendemento
O Pont-Up Store é unha iniciativa de apoio ao emprendemento, aberta a toda a cidadanía, e que centra os seus esforzos no incremento da cultura emprendedora na sociedade.
No marco do Campus Crea este encontro é unha decidida aposta pola creatividade e o emprendemento para o desenvolvemento persoal e da sociedade en xeral.
Tralo éxito das pasadas edicións, o Pont Up Store 2016 consolídase como ESPAZO DE REFERENCIA DO NOVO EMPRENDEMENTO en Galicia.
Obxectivos
FACILITARLLES aos novos emprendedores un espazo para visibilizar e promover a súa marca, os seus proxectos empresariais e a busca de financiación externa.
POSIBILITAR que novos emprendedores presenten, testen e vendan os seus productos ou servizos actuais ou contrasten ideas de mellora.
PROPORCIONAR aos novos emprendedores un espazo de relación e intercambio de experiencias con diferentes axentes do ecosistema emprendedor.
ANIMAR a futuros emprendedores a concretar a súa idea de negocio a través do coñecemento de proxectos e experiencias xa en marcha.
PROMOVER a cultura do emprendemento con novos formatos e espazos de integración entre os emprendedores e a sociedade.
DINAMIZAR a cultura e a economía local, proporcionando aos visitantes unha experiencia de ocio e aprendizaxe, nun espazo urbano de referencia internacional.
Existen diversas formas de participar:
DISPOÑER DUN STAND SEN CUSTE
durante dous días para dar a coñecer o teu proxecto e/ou vender se tes produto. Ademais poderás desenvolver actividades dentro do teu stand, independentemente das do programa de dinamización que se levará a cabo no espazo central.
PROPOÑER AS TÚAS PROPIAS ACTIVIDADES
que se incluirán no programa do evento e se desenvolverán no espazo central.
PARTICIPAR NO SPEED DATING ‘PUNTAZO EXPRÉS’
Explica en 5 minutos o teu emprendemento a 5 importantes empresas e entidades galegas que escoitarán as 10 mellores propostas. Presentación de candidaturas do 1 ao 15 de setembro.
Máis información: http://pontupstore.com/2016/gl/