Interreg Europe é un programa de cooperación interregional cuxo obxectivo é a redución de desigualdades nos niveis de desenvolvemento, crecemento e calidade de vida
O comité de seguimento do programa Interreg Euorope, reunido a semana pasada en Gotemburgo (Suecia) aprobou a adhesión de sete novos países ao territorio elegible do programa: Albania, Bosnia-Herzegovina, Moldovia, Montenegro, Macedonia do Norte, Serbia, Ucraína. Estes países participarán desde agora nos proxectos de cooperación impulsados polo programa interregional, así como beneficiaranse dos servizos e beneficios da Plataforma de aprendizaxe de políticas.
Interreg Europe é un programa de cooperación interregional cuxo obxectivo é a redución de desigualdades nos niveis de desenvolvemento, crecemento e calidade de vida entre as rexións europeas. Para o período financeiro 2021 ? 2027 conta cun orzamento de 379 millóns de euros para contribuír ao desenvolvemento de gobernos locais, rexionais e nacionais de Europa. De feito, o pasado 9 de xuño pechouse a segunda convocatoria do programa coa a recepción de 145 candidaturas enmarcadas nas diferentes prioridades do programa: Intelixente, verde, social conectada, gobernanza, cidadanía.
O programa conta con iniciativas que fomentará desde xa o intercambio de experiencias e boas prácticas entre as rexións europeas en 36 países e non 29 como até agora.
Máis información:
https://www.interregeurope.eu/news-and-events/news/interreg-europe-programme-is-ready-to-expand