A promoción das cidades atlánticas creativas e culturalmente dinámicas pasa agora pola posta en común dos recursos e a capitalización dos proxectos existentes
As autoridades locais do Arco Atlántico han identificado as industrias culturais e creativas (ICC) como un sector prioritario para o desenvolvemento económico. Cos anos, a innovación e o uso das novas tecnoloxías convertéronse na pedra angular para a transformación das nosas economías urbanas, e as Cidades do Arco Atlántico están a desenvolver as habilidades e ferramentas necesarias para inscribirse neste marco de evolución. A execución dos proxectos transnacionales destinados a estimular o sector das ICC debe reforzarse mediante unha cooperación máis estreita entre as entidades do Arco Atlántico. A promoción das cidades atlánticas creativas e culturalmente dinámicas pasa agora pola posta en común dos recursos e a capitalización dos proxectos existentes.
Como a investigación e a innovación son buques insignia da Estratexia Europa 2020, a creación de redes entre as partes interesadas no sector, inicialmente a nivel do Arco Atlántico logo a longo prazo no ámbito europeo, converteuse nunha necesidade para aumentar o potencial das cidades en termos de creatividade. Por tanto, a Conferencia de Cidades do Arco Atlántico ha posto en marcha un grupo de traballo para pór en práctica a reflexión ao redor dos territorios creativos, o turismo sustentable, innovador, e a dixitalización e difusión de contidos. Organizado conxuntamente coa cidade de Plymouth e Plymouth College of Art, este seminario de Cidades Creativas da CCAA levará a cabo o 26 de Xaneiro de 2015. Está aberto a todos os actores creativos do Arco Atlántico. A participación é gratuíta pero a inscrición é obrigatoria.