Renfe activa un novo tren para ir e volver no mesmo día á capital por 25 euros
Renfe mellorará os servizos ferroviarios a Galicia grazas á posta en funcionamento do tramo de 98 quilómetros de vía de altas prestacións entre Olmedo e Zamora. Desta forma, o tempo da viaxe a Madrid redúcese entre 25 e 30 minutos a partir do próximo 1 de febreiro.
En función da parada de orixe ou destino, os tempos de aforro son diferentes. Así, os pasaxeiros que se suban ao tren en Ferrol chegarán a Madrid 47 minutos antes, cunha duración final da viaxe de 6 horas e 49 minutos. Se se parte ou se chega a Santiago, o aforro é de 30 minutos; desde A Coruña, 30 minutos; desde Lugo, 26 minutos; desde Ourense, 23 minutos; desde Pontevedra, 24 minutos; e desde Vigo, 23 minutos.
Á oferta actual, explica Renfe, vánselle a sumar 315.000 novas prazas, o que supón un incremento do 30% sobre as prazas actuais. A nova configuración do servizo permitirá dobrar as prazas en determinados trens para determinados destinos durante os fins de semana e os períodos punta de demanda.