Alerta sobre 10 cuestións crave sobre as que traballar para evitar os previsibles efectos negativos que, sobre a cohesión territorial terá o próximo marco financeiro plurianual tal e como está previsto pola Comisión Europea.
O 29 de maio de 2018 a Comisión Europea publicou a súa proposta para o próximo marco financeiro plurianual post 2020 (2021-2027). Xunto a ela publicou tamén as súas propostas sobre os regulamentos específicos da Política de Cohesión, entre os que se atopa o relativo á Cooperación Territorial.
Aínda que está previsto publicar unha toma de posición específica sobre a proposta de Regulamento de Cooperación Territorial, o Eixo Atlántico e os seus socios, axuntados na plataforma C4C, comezaron por traballar sobre o marco financeiro xeneral 2021-2017, pois é ao redor do cal se enmarcan todas as demais propostas.
Así, dando continuidade ao diálogo iniciado en xaneiro 2018 coa publicación dos documentos: Contribución das cidades para a Política de Cohesión post 2020 (xaneiro 2018) e Medidas para implementar as propostas para a Política de Cohesión post 2020 (marzo 2018), publícase Comentarios sobre a proposta da CE para o Marco Financeiro Plurianual e a súa incidencia na Cooperación Territorial Europea.
Neste último documento, o Eixo e os seus socios de C4C presentan un conxunto de observacións e recomendacións construtivas sobre o marco financeiro plurianual post 2020 desde a óptica das cidades e áreas metropolitanas vocacionadas ao desenvolvemento territorial e a cohesión territorial. Estas observacións resúmense nos seguintes puntos:
- 1. CONSIDERACIÓN de que a proposta de orzamento plurianual evidencia unha falta de ambición por parte da Comisión Europea, con valores que non se corresponden cos obxectivos establecidos nin cos desafíos aos que ha de facer fronte Europa.
- 2. RECLAMACIÓN de que non sexan as políticas que máis pon en valor o principio de subsidariedade e o papel dos Estados membros as que soporten o custo do brexit.
- 3. DESAPROBACIÓN á redución dun 13,9% dos recursos financeiros para a Política de Cohesión e ALERTA sobre as consecuencias negativas d lea redución da taxa de co-financiamento ao 70% e a falta de aumento da prefinanciación para os proxectos.
- 4. LAMENTO acerca da redución da 17,6% proposta para o orzamento da Cooperación Territorial Europea e SOLICITUDE dun aumento do mesmo, polo menos ao dobre do previsto na proposta inicial da Comisión.
- 5. ENTENDEMENTO de que a concentración temática proposta reforza a necesidade dunha aplicación flexible a escala rexional e local para garantir que se represente de maneira real as necesidades dos cidadáns.
- 6. RECLAMACIÓN dunha maior coherencia entre obxectivos e financiamento da Cooperación Territorial Europea, unha vez que a falta de correspondencia frustraría as expectativas dos cidadáns.
- 7. SOLICITUDE de que a Cooperación Territorial Europea poida ser financiada por máis dun fondo, FEDER ou FSE, para aumentar desta maneira a súa cobertura e efectividade.
- 8. RECOÑECEMENTO á necesidade de ligar política rexional e gobernación económica da UE pero ALERTA para que esta articulación non signifique subxugar unha política estrutural á xestión financeira e orzamentaria, de carácter conxuntural.
- 9. RECLAMACIÓN de que as dotacións de fondos europeos estruturais e de investimento para a cooperación territorial europea atribúanse aos programas e non aos Estados membros.
- 10. DESAPROBACIÓN á proposta da Comisión no relativo a suprimir os programas URBACT, INTERREG Europe e a dimensión marítima dos actuais programas ENI CBC, ESIXINDO, ao mesmo tempo, máis transparencia no financiamento do compoñente 5 da Cooperación Territorial.
C4C - Cidades para a Cooperación é unha plataforma de entidades non gobernamentais cunha naturaleza xurídica e unha actividade permanente e detentora dunha vasta experiencia na promoción de iniciativas de cooperación e no acompañamento de programas integrados nos diversos planos de cooperación territorial europea, constituída co obxectivo de promover unha reflexión sobre o futuro da Política de Cohesión post 2020 en xeral e da cooperación territorial europea en particular.
Constituída polo Eixo Atlántico, RIET - Rede Ibérica de Entidades Transfronteirizas, MEDCITIES- Rede de cidades do Mediterráneo, CAAC -Conferencia de Cidades do Arco Atlántico e FAIC Foro das cidades adriáticas e xónicas, C4C proponse promover o debate e identificación de problema comúns e de solucións axustadas á realidade común das rexións periféricas da EU, rexións nas cales vén asumindo de maneira particular o impacto dos principais problemas e desafíos aos que a UE ha de facer fronte en materia de cohesión.
Considera que as rexións periféricas da Unión Europea teñen unha visión común sobre a importancia da cooperación territorial europea nos seus territórios e sobre os axustes que importa promover para reforzar o seu papel na integración europea.
