Un dos principais obxectivos do programa Europa Creativa é impulsar, salvagardar e promover a diversidade cultural e lingüística europea. Nun momento en que Europa está a recibir un número extraordinario de refuxiados, axudar aos Estados membros a facer fronte a esta situación é unha prioridade fundamental da UE.
Neste marco, até o 28 de abril está aberta unha convocatoria de proxectos dirixida a promover proxectos culturais e audiovisuais transnacionaIs que poidan:
- Axudar aos refuxiados a socializarse e expresarse sen ter que falar necesariamente de forma inmediata o idioma do país de acollida.
- Operar como plataformas de aprendizaxe, promovendo o respecto e a compresión da diversidade, os valores democráticos e a cidadanía.
- Ofrecer aos cidadáns da UE a oportunidade de descubrir e coñecer os valores e as culturas dos refuxiados.
- Apoiar a exhibición eu creación conxunta de obras culturais e audiovisuais en Europa.
- Ofrecer a posibilidade de colaborar con organizacións doutros sectores para estimular unha resposta máis global, rápida, eficaz e duradeira a este reto mundial.
As subvencións serán de 100.000 a 200.000 euros. A porcentaxe máxima de cofinanciamento será o 80% dos custos subvencionables. O orzamento total dispoñible para esta convocatoria é de 1,6 millóns de euros cos que se estima financiaranse entre 8 e 12 proxectos en toda Europa
Más información : Aquí