Realizouse a proposta do Grupo Temático de Educación da entidade que decidiu facelo polo interese en compartir experiencias de boas prácticas na materia
Máis de 60 persoas, entre concelleiras, técnicos e responsables municipais de educación dos concellos que integran o Eixo Atlántico participaron no I Seminario de Intercambio de Experiencias en Materia de Educación. Celebrado no Auditorio da Biblioteca Municipal de Vila Real, presentáronse varios casos de éxito e boas prácticas en Educación, abordados de forma trasversal. Tres foron os ámbitos tratados: a Educación Inclusiva, Alimentación e Nutrición e Experiencias Educativas transversais.
Este primeiro seminario de intercambio terá continuidade no tempo xa que o Grupo Temático do Eixo Atlántico na materia entendeu a importancia de pór a disposición doutros concellos as experiencias e boas prácticas que xa están en marcha nalgúns concellos e cuxa posta en común axuda a outros a polas en marcha.