O evento inaugural desta VIII edición da Capital da Cultura do Eixo Atlántico celebrarase o día 17 de febreiro de 2025
A inauguración da VIII Capital da Cultura do Eixo Atlántico en Viana do Castelo ofrecerá un espectáculo multidisciplinar creado e dirixido polo talentoso artista portugués Daniel Pereira Cristo. “Mar Adentro” é unha proposta escénica que mestura danza, voz e música, e que contará coa participación especial de Xabier Díaz, recoñecido pola súa mestría na música, prometendo unha experiencia inesquecible aos presentes. O concerto contará coa dirección artística e musical de Hélder Costa, coas participacións de ARTEAM, AGFAM, EVIC, Teatro do Noroeste e da artista Malva.
“Mar Adentro” é un tributo á forza cultural de Viana do Castelo e de toda a rexión do Eixo Atlántico. Neste cruzamento de tradición e modernidade, celébrase a identidade compartida que define esta rexión. Un espectáculo singular no que a cultura é un mar aberto de posibilidades e encontros.
Non obstante, a programación comeza en xaneiro e esténdese ata decembro de 2025, ofrecendo propostas culturais en todas as disciplinas artísticas: espectáculos de teatro, cine, concertos, festivais de arte urbana, exposicións, actividades para o público infantil e certames gastronómicos. Consulte aquí a programación anual.