Continuarán á fronte dos seus concellos ata o ano 2021
As eleccións autárquicas celebradas onte en Portugal renovaron á maioría dos alcaldes do Eixo Atlántico: dos 19 municipios que forman parte da entidade, un total de 12 presidentes continuarán á fronte das súas cámaras ata o ano 2021.
Pola súa banda, as cámaras municipais de Chaves, Macedo de Cabaleiros, Mirandela e Paredes cambiaron de alcalde ao rexistrarse un cambio de partido a favor do Partido Socialista (PS). Mentres, os municipios de Maia e Peso da Régua cambian de alcalde, pero gobernará a mesma forza política (PSD). No caso de Matosinhos, continúa o equipo de Guilheme Pinto, falecido a principios deste ano.
Máis información no cadro anexo e a través do link:
https://www.autarquicas2017.mai.gov.pt/index.html