A xornada celebrouse no Campus de Ourense da Universidade de Vigo e estivo coordinada por Montserrat Cruz González
Ourense acolleu hoxe a Sesión Académica de Turismo Policéntrico, organizada pola Deputación de Ourense e o Eixo Atlántico, e coordinada por Montserrat Cruz González. Este encontro marcou o lanzamento público dunha innovadora proposta turística, xurdida no seo do Eixo Atlántico e desenvolvida desde Ourense. A iniciativa propón un modelo alternativo ao turismo de masas, baseado na identidade do territorio e nun respecto activo polo seu patrimonio, polo seu paisaxe e polos seus habitantes.
Novos conceptos: “turismo policéntrico” e “turismo de autor”
O proxecto introduce dous conceptos clave: o turismo policéntrico e o turismo de autor. Ambos enfoques buscan transformar a maneira na que se deseña e se consome a experiencia turística, ofrecendo produtos adaptados ás preferencias individuais dos visitantes e promovendo unha relación equilibrada entre turistas e territorio para evitar fenómenos como a turismofobia.
O turismo policéntrico propón distribuír a actividade turística a partir dos grandes polos de atracción, potenciando as pernoitas e articulando visitas cara localidades e recursos que, a pesar do seu alto valor cultural, arqueolóxico, natural ou gastronómico, non xustifican por si sós un viaxe de longa distancia.
Exemplos destes contornos inclúen a Ribeira Sacra, Santiago de Compostela, Lugo ou Ourense, espazos onde o patrimonio e a identidade local configuran un gran potencial de desenvolvemento turístico sostible.
Impulso académico e novas profesións turísticas
A posta en marcha destes novos modelos turísticos xera a necesidade de novas cualificacións e perfís profesionais. Para elo, a Universidade de Vigo desenvolve programas de formación específicos orientados a capacitar profesionais capaces de deseñar, xestionar e comunicar produtos turísticos de autor e propostas policéntricas.
A iniciativa está liderada pola Deputación de Ourense e o Eixo Atlántico, e conta con financiamento do Programa POST e do Interreg - Espazo Atlántico.