Celebraranse na cidade portuguesa entre os días 7 e 12 de xullo
A XIII edición dos Xogos do Eixo Atlántico celebraranse no mes de xullo na cidade portuguesa de Braga sucedendo a Lugo, Monforte de Lemos e Sarria, que foron sede na última edición celebrada do 4 ao 9 de xullo de 2017.
A cerimonia de traspaso da bandeira dos Xogos do Eixo Atlántico tivo lugar no mes de xullo do pasado ano onde Ricardo Río, alcalde de Braga, reiterou o forte compromiso da cidade coa organización desta competición, que “asúmese como unha oportunidade de aproximar os pobos, mostrar o talento da mocidade e a dinámica deportiva e asociativa dos municipios”. Desde a súa orixe esta competición é unha das principais bandeiras do Eixo Atlántico e un factor de gran mobilización de mozos deportistas.
Ricardo Rio manifestou nos últimos días a súa intención de manter a calidade da organización e implicar aínda máis á poboación do municipio e de toda a Eurorrexión para dar un colorido e visibilidade extra á competición.
Desde 1995 os Xogos do Eixo Atlántico están dirixidos á promoción do deporte, á convivencia entre os mozos e, tamén ao mellor coñecemento entre os cidadáns das dúas rexións. Realízanse de dous en dous anos e constitúen un evento deportivo transfronteirizo único en Europa, cunha participación superior aos 1500 atletas.
Nesta ocasión participarán máis de 1800 mozos, moi preto do récord de participación, inscritos nas seguintes modalidades deportivas:
Balonmán, Baloncesto, Fútbol 7, Voleibol, Atletismo, Atletismo Adaptado. Natación, Natación Adaptada e Tenis.
Deporte adaptado
Como vén sendo habitual nos Xogos do Eixo Atlántico, esta edición tamén integra varias modalidades de deporte adaptado, coa participación de máis de 70 persoas, en liña coa filosofía do Eixo Atlántico de eliminar barreiras e fomentar a participación de todos os mozos.
Cidades
As cidades que participarán en Braga son por GALICIA:
O Barco Monforte de Lemos
Santiago de Compostela Lugo
Carballo Sarria
Ourense Vilagarcía
Vigo O Carballiño
Por PORTUGAL
Porto Guimarães
Valongo Matosinhos
Viana do Castelo Eurocidade Chaves-Verín
Famalicão Santa Maria da Feira
Vila Nova de Gaia Maia
Braga Barcelos
Bragança Peso da Régua
Vila Real