O secretario xeral do Eixo Atlántico, Xoán Mao, e a asesora xurídica da entidade, Carmen López, reúnense en Monforte cos promotores da Asociación de Produtos Tradicionais de Galicia e do norte de Portugal
Á reunión asistiu tamén José Luís Losada Fernández, concelleira de Obras, Medio Rural e Servizos de Monforte; Eladio Santos, concelleiro de Turismo do Barco de Valdeorras, e o Primeiro Secretario da Comunidade Intermunicipal de Terras de Trás-os- Montes, Rui Caseiro.
Desde hai 5 anos, e liderado polo Barco de Valdeorras, o Eixo Atlántico vén impulsando a comercialización de produtos tradicionais de Galicia e o Norte de Portugal no marco dunha estratexia de promoción nas zonas de baixa densidade de poboación para contribuír á creación de actividades económicas.
Dentro das accións impulsadas nestes anos, o Eixo Atlántico financiou e organizou feiras para a comercialización de produtos tradicionais. Este último ano celebrouse unha en Ou Barco e outra itinerante, cuxa última parada foi en Santiago de Compostela. O obxectivo é promover produtos do territorio de elaboración artesanal e de excelencia.
Desde o ano pasado está a impulsarse unha asociación galaica-portuguesa de produtores que asuman a organización de feiras e outras iniciativas de comercialización que contribúan a alcanzar o obxectivo do proxecto.
Na reunión desta mañá en Monforte avanzouse na posta en marcha da asociación quedando fixada a súa constitución para o mes de marzo.