Xoán Vázquez Mao, secretario xeral do Eixo Atlántico, salientou na televisión pública portuguesa (RTP) a relevancia estratéxica da futura conexión ferroviaria de alta velocidade que unirá Valença e Galicia. A infraestrutura —que será o viaduto máis grande da Península Ibérica— representa un avance clave para o Eixo Atlántico, entidade que leva anos reivindicando esta conexión transfronteiriza entre o norte de Portugal e Galicia.