Onda Cero e Antena Minho realizaron un programa sobre a saúde mental na infancia no que participaron a Câmara de Guimarães e o Concello de Ribeira, dúas cidades do Eixo Atlántico
Olegario Sampedro, presidente do Instituto de Mediación Educativa de Ribeira, Adelina Pinto, presidenta do Grupo Temático de Educación e Cultura do Eixo Atlántico e vicepresidenta da Câmara Municipal de Guimarães, e Juan Carlos Díaz do Val, médico psiquiatra, interviñeron nun programa conxunto entre Antena Minho e Onda Cero para falar da saúde mental na infancia e nos colexios.
Nesta ocasión, o faladoiro protagonizouna o médico psiquiatra Juan Carlos Díaz do Val, quen explicou que: "Está a aumentar a demanda de problemas de saluld mental en poboación infanto-xuvenil e os factores son moitos. Tamabién é certo que estamos a diagnosticar problemas en nenos que hai anos non diagnosticásemos porque nisiquiera achegáronse á consulta médica para ser axudados".
Durante o programa, participaron tamén dúas cidades do Eixo Atlántico: Guimarães, cuxa representante foi Adelina Pinto, e Ribeira, co relatorio de Olegario Sampedro. Ambas as localidades presentaron as súas experiencias no ámbito da saúde mental. A cidade portuguesa impulsa "Coaction e a saúde mental dás crianças", un proxecto comunitario de investigación-acción co obxectivo de promover o benestar, a saúde mental e a resiliencia da infancia, entre os 3 aos 10 anos, durante e despois da pandemia da Covid-19, a través dunha acción colaborativa entre o ProChild CoLAB, o Municipio de Guimarães, o CIPsi e a APsi-UMinho.
Adelina Pinto, presidenta do Grupo Temático de Educación e Cultura do Eixo Atlántico e vicepresidenta da Câmara Municipal de Guimarães, asegurou que: "A saúde mental é realmente algo no que as cidades poden ter unha dimensión de intervención moito máis eficiente que se se fai a nivel nacional. Por tanto, as cidades presentan xa programas de intervención porque somos conscientes de que é moi importante traballar nesta área".
"O problema en Portugal é que hai dificultades cando o problema sae da Câmara e empeza a ser responsabilidade da sanidade e os hospitais", criticou Adelina Pinto.
O Concello de Ribeira, pola súa banda, creou o Instituto de Mediación Educativa de Ribeira (IMER). Trátase dunha asociación socioeducativa, sen ánimo de lucro, creada en 2011 por profesores do ensino secundario. Os seus obxectivos son fomentar a mediación e o coñecemento adecuado na xestión e resolución de conflitos no ámbito educativo, así como propiciar a Cultura da Paz e os Dereitos Humanos como ámbito adecuado de convivencia.
O presidente do organismo, Olegario Sampedro, asegurou que: "Nós pensamos que educar en saúde mental é unha necesidade imperiosa. A pandemia tróuxonos cousas malísimas pero tamén visibilizó que calquera persoa pode sufrir un problema de saúde mental e non pasa nada porque vaia á o psicólogo ou ao psiquiatra, normalizouse".
Xoán Vázquez Mao, secretario xeral do Eixo Atlántico, interveu no programa e detallou que: "O Eixo Atlántico xa non fai cooperación transfronteiriza, nós hai tempo que traballamos no desenvolvemento local conxunto. Non traballamos coa óptica dos países, senón coa óptica de 41 cidades e traballamos dunha maneira conxunta". "Dentro da calidade de vida dos nosos cidadáns, o primeiro, por unha cuestión obvia, son as etapas por idades e hai que comezar pola xente máis nova porque son o futuro", asegurou.
Pode escoitar o programa completo aquí:
Esta actuación desenvólvese no marco do proxecto C3D cofinanciado polo programa INTERREG V-ESPAÑA-PORTUGAL.