Esta axenda estratéxica con propostas concretas e operativas para combater o reto demográfico, tanto no interior de Galicia coma no Norte de Portugal, é a primeira en Europa de carácter transfronteirizo e elaborada polas propias cidades
O reto demográfico é un dos principais desafíos da Unión Europea e figura entre as prioridades da propia Comisión Europea. Si ben é un problema que afecta a toda Europa, incide 
especialmente a territorios da Península Ibérica que, ademais de estar na periferia, teñen un desenvolvemento socioeconómico asimétrico con respecto a outras zonas (por exemplo, o Mediterráneo) e un déficit de comunicación que dificulta fixar poboación nas zonas máis distantes dos centros de decisión. A carencia de servicios neste territorios dificulta fixar poboación en idade reprodutiva e non hai servizos porque non hai poboación.
Por este motivo, o Eixo Atlántico elaborou a primeira axenda de propostas para loitar contra o despoboamento reforzando o eixo interior, que vai de Lugo a Mirandela (Trás-Os-Montes), e privilexiando a cohesión do territorio.
O Eixo Atlántico atribúe gran importancia á cohesión social e territorial da Eurorrexión Galicia-Norte de Portugal e, para iso, é necesario promover medidas de discriminación positiva nos territorios do interior con maior despoboamento para favorecer a fixación da poboación.
A axenda contén medidas de carácter social, económico, creación de servicios, aspectos relacionados coa educación e infancia e conectados á fixación da poboación en idade reprodutiva, así como políticas relacionadas coa tecnoloxía e loxística para promover a creación de emprego e o emprendemento deste eixo interior.
Pode ler o Informe de Demografía neste enlace, cuxa parte de accións estratéxicas para os territorios do interior, comeza na páxina Nº161.
No acto de presentación, celebrado no Consello Económico e Social de Galicia, interviñeron o presidente do CES, Manuel Pérez, a presidenta do Eixo Atlántico e alcaldesa de Lugo, Lara Méndez, o presidente da Asemblea do Eixo Atlántico e alcalde do Barco de Valdeorras, Alfredo García, o secretario xeral do Eixo Atlántico, Xoán Vázquez Mao, e a autora do informe, Mª Xosé Rodríguez Galdo.
Esta actividad se desarrolla en el marco del proyecto Fénix, cofinanciada por el programa Interreg España-Portugal (POCTEP) 2021-2027.