As medidas para o desafío demográfico foron debatidas esta mañá en Mirandela entre responsables políticos e os grupos do interior que participaron na elaboración do informe a través das súas contribucións
O Eixo Atlántico elaborou a primeira axenda de propostas para combater o despovoamento, reforzando o eixo interior, que vai de Lugo a Mirandela (Tras-os-Montes), e privilexiando a cohesión do territorio.
Esta mañá reuniron líderes políticos dos dous países, a coordinadora do estudo, María Xosé Rodríguez Galdo, e 80 persoas dos grupos que traballan no eixo interior entre Lugo e Mirandela para discutir as propostas contidas na axenda. Da mesma forma, as medidas foron transmitidas, o mesmo día, á Secretaria de Estado de Desenvolvimento Rexional de Portugal, Isabel Ferreira, o vogal asesor da Secretaría Xeral do Desafío Demográfico de España, Miguel Anxo Pérez Grande, e ao presidente do Consello Económico e Social de Galicia, Agustín Hernández, para que sexan tidas en conta na implementación das políticas de combate ao despovoamento e promover o desenvolvemento no eixo interior.
O Eixo Atlántico atribúe gran importancia á cohesión social e territorial da Eurorrexión Galicia-Norte de Portugal e, para iso, é necesario promover medidas de discriminación positiva nos territorios do interior con maior despovoamento para favorecer a fixación dos mozos e, consecuentemente, fixar a poboación.
A axenda contén medidas de carácter social, económico, creación de servizos, aspectos relacionados coa educación e infancia e conectados á fixación da poboación en idade reprodutiva, así como políticas relacionadas coa tecnoloxía e loxística para promover a creación de emprego e o empreendedorismo neste eixo interior.
Xoán Vázquez Mao, secretario xeral do Eixo Atlántico, asegurou que: "Debe haber un equilibrio entre a zona máis poboada do litoral e a zona máis despoblada do interior. Se miramos con tranquilidade Mirandela, O Barco de Valdeorras, Lugo ou Bragança, están 150 km máis preto de Madrid do que o O Porto ou Coruña, pero ninguén o entende así porque hai un problema de infraestruturas, un problema de mentalidade e problemas no territorio que dificultan que as persoas haxan facilidades para desenvolver a súa vida, e fixar a poboación, no interior". 
"O Eixo Atlántico quere propor aos gobernos unha serie de medidas e queremos saber cales son os problemas que teñen as persoas que optaron por quedar no interior no canto de migrar para as grandes cidades. A administración debe estar ao lado dos administrados", engadiu.
Júlia Rodrigues, alcaldesa de Mirandela, afirmou que: "A cohesión social territorial é un problema importante. Require un compromiso colectivo e accións concretas, é necesario promover a igualdade de oportunidades e garantir a inclusión social. Para promover un territorio é fundamental un conxunto de medidas en diferentes áreas de actuación".
"Os principais problemas dos municipios do interior son: o envellecemento da poboación, o despovoamento e a baixa natalidade. Isto ten un impacto negativo no desenvolvemento económico. Para facer de face a isto, temos que ter unha visión máis ampla e é por iso polo que estamos reunidos hoxe", engadiu a alcaldesa de Mirandela.
Júlia Rodrigues defendeu a importancia da descentralización da CCDR-N, materia que está a ser debatida e sobre a cal a Secretaria de Estado manifestou o seu apoio.
Isabel Ferreira, Secretaria de Estado do Desenvolvemento Rexional, referiu: ?Actualmente hai tres grandes desafíos: o demográfico, que é o que motivou este estudo, o desafío dixital e o desafío das alteracións climáticas. No ámbito demográfico, o desafío xa non é só un desafío local, mais un problema cun alcance europeo. A nivel da transición dixital é importante aproximar o territorio e as persoas a través das novas tecnoloxías aumentando así o valor das cadeas económicas. En relación ao desafío climático, os territorios teñen que mellorar mais respectando as políticas ambientais sen que iso impida o desenvolvemento socioeconómico?.
Da mesma forma, asegurou que é importante un traballo de converxencia da rexión como un todo para corrixir as assimetrias existentes. Explicou que isto é fundamental para promover dinámicas de competitividade e iso conséguese con cohesión territorial.
Relativamente ao estudo presentado esta mañá polo Eixo Atlántico, o cal considerou ?moi completo e útil?, a Secretaria de Estado asegurou que conten ?unhas liñas de acción moi pertinentes, moitas delas xa en consideración por parte do Goberno?.
María Xosé Galdo, autora do informe explicou: "É necesario valorizar o mundo rural. Hai que traballar o sentimento e evitar dar unha visión negativa do rural".
"Hai que definir o rural, xa non son só as actividades agrarias. É fundamental a relación da investigación coas iniciativas rurais. Non hai dimensión neste tema porque, o que fica aquén é a gobernación, os lugares que mellores taxas de natalidade teñen son aqueles con políticas de igualdade ben sucedidas".
A Catedrática da Universidade de Santiago de Compostela defendeu que: "Este estudo ten un carácter aplicável e aspira a ser útil dándolle voz, fundamentalmente, á sociedade civil. Os Mozos deben coñecer experiencias de éxito no rural".
Agustín Hernández, Presidente do Consello Económico e Social de Galicia incidiu no pouco éxito das políticas públicas nesta área. "A Secretaria de Estado puxo sobre a mesa a necesidade de reflexionar sobre como facer sustentables as cidades e o rural con menos poboación. Ano tras ano o CES pon de manifesto a necesidade de políticas activas para parar o envellecemento dos nosos territorios. Despois de 20 anos non mellorou o suficiente como para que estas xornadas sigan sendo necesarias", explicou.
Alfredo García, alcalde do Barco de Valdeorras, asegurou: "Este problema é un problema de concepto. Hai moitos anos que a sociedade decidiu vivir nas cidades e, canto máis grandes, mellor aínda que a calidade de vida sexa deplorable. Se non vivimos no interior, o interior abandónase e, se se abandona, queda para ser queimado cando chegan os incendios. Eu creo que hai vida no interior e a calidade de vida está no interior".
Pode ler o informe de demografía neste enlace, cuxa parte de liñas de acción e accións estratéxicas para os territorios do interior, comenza na páxina Nº161.
Ponencias:
Miguel Ángel Pérez Grande, vocal asesor de la Secretaría General del Desafío Demográfico de España
María Xosé Galdo, autora del informe (en galego)