A nova foi recibida con gran tristeza pola organización, que tivo a honra de acoller obras do autor tanto na edición anterior como na actual Bienal de Pintura. A súa obra, actualmente en exposición, constitúe un testemuño duradeiro do seu talento, sensibilidade artística e singular achega creativa. 
O Eixo Atlântico destaca o percorrido artístico de António Miranda e o relevante legado que deixa no panorama cultural. En sinal de recoñecemento e homenaxe, a súa obra permanecerá en exposición ao longo da Bienal.
Neste momento de dor, o Eixo Atlântico transmite as súas máis sentidas condolencias á familia e amigos, expresando toda a súa solidariedade. 