Será clausurada polo ministro de Ambiente, Matos Fernandez
O próximo día 23 o Eixo Atlántico celebrará en Maia a súa asemblea xeral que será clausurada polo ministro de Ambiente, Matos Fernandez. Nesta asemblea presentarase para aprobación un orzamento de 4.652.722 euros así como o programa coas actuacións e desenvolvemento estratéxico previsto para 2018.
As accións previstas céntranse principalmente no desenvolvemento do Plan de Acción da axenda urbana debatido no congreso de Braga en xuño do ano pasado e a definición dos proxectos piloto; a defensa dos fondos de cohesión e dun novo tratado de cooperación bilateral entre España e Portugal e a prevención e loita contra os incendios. Así mesmo, está previsto continuar na promoción e defensa do Camiño de Santiago e exporanse as novas infraestruturas que foron propostas polas cidades para o próximo período de programa comunitario: a conexión da liña do Miño co aeroporto Sá Carneiro, a conexión da estación de Braga coa liña do Miño e o paso da liña polo Europarque de Santa Maria da Feira, entre outras propostas.
GALERÍA FOTOS
https://www.eixoatlantico.com/gl/noticias/eixo-atlantico/o-eixo-atlantico-celebra-a-sua-asemblea-xeral-en-maia-o-23-de-febreiro#sigProId04a42bc16e