O Eixo Atlántico celebrou de maneira virtual unha nova reunión do Grupo Temático de Política Social, na que se aprobaron as principais liñas de traballo para os vindeiros anos e se reforzou a cooperación entre os municipios de Galicia e o Norte de Portugal nesta materia. 
Durante o encontro, presentáronse e debatéronse as propostas de traballo para 2026, destacando a elaboración de tres informes clave: o Informe de Pobreza, o Informe de Migración e o Informe de Planificación Urbana Sustentable e Cohesión Social, con especial atención ao acceso á vivenda. Estes documentos buscan ofrecer un marco estratéxico que permita abordar de maneira coordinada os retos sociais e urbanos na rexión do Eixo Atlántico.