Contou ca presencia de Paula Pino, da Coordinación de Políticas Enerxéticas da Comisión Europea
O Salón Nobre do Concello de Maia, recibiu unha sesión sobre políticas enerxéticas, promovida polo Eixo Atlántico. A sesión celebrouse no momento no que se inician os novos fondos europeos, sendo por iso importante entender cales son as políticas da Comisión Europea acerca desta materia, así como os financiamentos dispoñibles.Para debater a temática da enerxía estivo presente Paula Piñeiro, da Coordinación de Políticas Enerxéticas da Comisión Europea. A oradora contextualizou a situación actual de Portugal e España no que respecta o sector das enerxías, así como de Europa en xeral tras a preocupante crise, vivida no inverno de 2014, coa subministración de gas proveniente de Rusia. Esta crise foi, o punto de partida para a discusión que tivo lugar en Maia, xa que os líderes europeos comprenderon a importancia de atopar estratexias para diversificar as fontes de enerxía.
Un mercado interno para as enerxías e unha maior eficiencia nos consumos enerxéticos son as principais solucións presentadas para que sexa posible cumprir as metas apuntadas pola Comisión Europea para 2030.
Para a área do Clima e Enerxía de 2030, aprobado no ano de 2014, a Comisión Europea apunta unha diminución do 40% de emisión de gases e un aumento do 27% das enerxías renovables e a eficiencia enerxética.
O Vicepresidente do Concello de Maia, Silva Tiago, afirmou que “a sesión pode ser vista como un pequeno paso para as políticas enerxéticas, con todo son os pequenos pasos que nos axudan a atopar solucións enerxéticas máis sustentables”. Na sesión estiveron presentes varios alcaldes das cidades integradas no*Eixo Atlántico, así como o Secretario Xeral da entidade, Xoan Vázquez Mao.
Todas as oportunidades de financiamento en materia de enerxía pode descargarse aquí
A presentación realizada pola representante da Comisión Europea, Dra. Paula Pinho, pode descargarse aquí.