Os cambios na presidencia derivan da situación política en Lugo tras a moción de censura ao anterior alcalde
O Eixo Atlántico informa de que o presidente da entidade pasa a ser o presidente da Cámara Municipal de Viana do Castelo, Luís Nobre, como consecuencia das recentes modificacións na estrutura de gobernanza da asociación. 
Este cambio prodúcese tras a dimisión do anterior presidente, o alcalde de Lugo, Miguel Fernández, e a súa posterior saída do cargo de alcalde, como resultado da moción de censura aprobada esta mañá.
Nos termos dos Estatutos do Eixo Atlántico, a Presidencia é asumida automaticamente polo até agora vicepresidente, cargo ocupado por Luís Nobre, quen pasa a exercer, a partir deste momento, a máis alta responsabilidade da institución.
Paralelamente, tras a renuncia de Miguel Fernández como membro da Comisión Executiva, o novo presidente convidou a alcaldesa de Vilalba, Marta Rouco, a integrarse neste órgano, co obxectivo de asegurar a adecuada representación territorial.
Estas decisións serán sometidas a ratificación na próxima reunión ordinaria da Comisión Executiva, prevista para o mes de novembro.