E a devolución da visita que fixeron os escolares de Feira ao Concello galego dentro do programa de Educación do Eixo Atlántico
Santa Maria da Feira exerce de anfitrioa e recibe a 43 nenos galegos, dentro do programa de intercambios escolares entre as cidades do Eixo Atlántico. O grupo formado por rapaces e rapazas de 5º de primaria, 4 profesores e unha traballadora do Concello de Riveira visitarán durante dos días o municipio portugués, no marco dun programa de intercambio escolar que forma parte do programa de educación do Eixo Atlántico do Noroeste Peninsular e que se prolongará até o venres, 7 de xuño.
A visita dos escolares galegos é devolución da visita que fixeron escolares de Santa Maria da Feira no pasado mes de maio.
Durante os días de estancia en Feira aos pequenos espéralles unha completa axenda de actividades destinadas a que coñezan o municipio e a súa contorna. Así, farán visitas ao Visita ao Castelo de Santa Maria da Feira e ao Centro Histórico da vila, coñecerán o Castro de Romariz e a praia Fluvial da Mamoa (Milheirós de Poiares) e finalizarán a visita ao municipio portugués visitando o Parque Ornitológico de Lourosa e o Museu do Papel. A chegada de volta a Riveira está prevista para as 21:30 h. do venres.