O Eixo Atlántico celebrará en Ferrol, do 13 ao 15 de maio, VINA feira turística Expocidades, con 31 casetas na Praza dás Armas, e a VII Mostra Musical, no Auditorio e no Conservatorio de Música Xan Viaño
A xornada de eventos do Eixo empezará o venres 13 de maio, ás 13.00 horas, coa inauguración de VINA Expocidades na Praza de Armas, en Ferrol.
Durante todo o fin de semana poderanse visitar as 31 casetas que estarán instaladas fronte ao concello ?16 de municipios e entidades galegas, 11 portuguesas, o Foro Termal do Eixo Atlántico, Turismo do Porto e Norte de Portugal e a Asociación Ibérica de Municipios Ribeiregos do Douro? . Este evento busca promover o turismo de proximidade entre as localidades e deputacións galegas e portuguesas que forman parte do Eixo Atlántico. Ademais, haberá unha caseta de degustacións gastronómicas.
Durante a mañá do sábado 14 terá lugar un showcooking no mercado municipal do barrio da Madalena a cargo dos actuais embaixadores do proxecto Dieta Ártabra.
VII Mostra Musical
A Mostra Musical é un evento que busca recoñecer, promover, premiar e difundir a práctica e aficción á música entre os máis novos, tanto en Galicia como no norte de Portugal. Este ano participarán 39 solistas e 8 agrupacións procedentes dunha vintena de municipios. As actuacións terán lugar no Auditorio e no Conservatorio de Música Xan Viaño.
O domingo 15 de maio será clausúraa da Mostra e a entrega de premios. A xornada comezará ás 16.30 horas cunha actuación musical, seguida dunha homenaxe á compositora portuguesa, Isabel Soveral. A entrega de premios está prevista ás 17.30 horas.
Tren turístico
A concelleira de Turismo anunciou que durante a Mostra Musical o Concello de Ferrol vai pór en marcha o tren turístico municipal, que realizará o sábado 14 e o domingo 15 até o mediodía percorridos gratis desde Caranza, onde está o Auditorio, até o centro da cidade pasando por diferentes barrios.
Expocidades e a Mostra Musical desenvólvese no marco do proxecto Hi_Experience cofinanciado polo programa Interreg V-A España-Portugal (POCTEP).
Pode descargar o programa completo de Expocidades nesta ligazón:
-
(0 Descargas)