Revalidou o seu triunfo de 2014 e converteuse no campión ao vencer na final ao ADB Campo (4-0)
Tras uns minutos de tanteo, chegaba o tanto que inauguraba o marcador, obra do conxunto do Porto (1-0). Os ataques, moi rápidos, sucedíanse en ambas as áreas pero faltaba en moitas ocasións a precisión necesaria. Así mesmo, as dúas defensas, moi férreas, non concedían moitas opcións aos seus respectivos rivais.
Cando se cumpriu a metade da primeira parte facía o segundo o Dragon Force, que comezaba a encerrar ao ADB Campo no seu campo (2-0). O conxunto laranxa non era capaz de materializar ocasións claras de gol, mentres o equipo do Porto seguía rondado a portaría rival. Con vantaxe de dúas dianas no luminoso chegábase ao descanso.
Empezaba a segunda parte co ADB Campo tratando de recortar distancias, e un Dragon Force máis cómodo grazas á súa vantaxe no luminoso. Aos cinco minutos da continuación volvía marcar a escuadra do Porto, (3-0) e case sen tempo para a reacción do combinado que actuaba na final como visitante, chegaba o cuarto (4-0). A pesar de que o tentaba unha e outra vez ADB Campo, non daba opción o Dragon Force, que só tiña que administrar a súa vantaxe para volver ser campión do Eixo Atlántico.
Braga faise co terceiro posto
Mentres, a semifinal do Torneo Eixo Atlántico enfrontou á Compañía de María Hockey ante o HC Braga. Tras uns minutos de tanteo, o conxunto luso aproveitaba unha transición rápida para facer o primeiro (0-1). Pese ao mazazo inicial, a Compañía non se engurraba e seguía buscando o gol do empate. Lograríao por medio dunha falta cando aínda non se cumpriu o ecuador da primeira parte da contenda (1-1).
O Braga trataba de facer dano á contra, aproveitando algún descoido en defensa dos coruñeses, que trataban de romper as táboas no electrónico. Seguía o empate grazas ao bo facer dos cérberos, que protagonizaron paradas de mérito. Tampouco axudaba o xogo trabado, con poucas ocasións por parte de ambas as escuadras, aínda que algunhas moi claras como un chute da Compañía de María, que se estrelaba contra o pau. Con este resultado chegábase ao descanso do encontro, con todo por decidir na segunda parte.
O Braga púñase por diante no marcador (1-2), pero a Compañía de María volvía equilibrar o marcador (2-2). Unha gran actuación do meta do Braga evitaba o terceiro dos locais. O partido, de ida e volta, non daba un respiro, pero ambos os conxuntos seguían tratando de terminar coa igualdade no luminoso.
A seis minutos para o final o Braga conseguía adiantarse de novo no marcador (2-3) que era neutralizado, tras un tempo morto, nunha contra lograba igualar o tenteador. Sen tempo aínda de celebrar a súa diana, Braga golpeaba tras o saque de centro de novo (3-4). O gardameta luso evitaba o empate do Cía María tras unha boa parada. Ao final empate no luminoso (4-4). A quenda de penaltis decidiría e foi o cuarto posto para o Braga, tras marcar dúas das tres penas máximas.
Clasificación Final
1º FCP Dragon Force
2º ADB Campo
3º HC Braga
4º Compañía de María
5º ED Viana
6º HC Liceo
7º A.A Dominicos
8º CH Compostela
9º CART Guimarães
10º CH Carvalhos
11º Puesto: Santa María del Mar
12º Puesto: HC Borbolla