Cada unha das cidades dispón de dúas páxinas onde se mostra espazos e monumentos destacados, así como datos de poboación, extensión da cidade, data de fundación e xentilicio dos seus habitantes
Serán 48.000 exemplares do cómic “Coñece o Eixo Atlántico” que repartirá gratuitamente o Eixo Atlántico. Editado en dous idiomas, galego e portugués, a publicación do destacado debuxante galego Norberto Fernández é un percorrido pola riqueza patrimonial das cidades 34 cidades e entidades que integran o Eixo Atlántico na eurorrexión Galicia-Norte de Portugal.
Cada unha das cidades dispón de dúas páxinas onde se mostra espazos e monumentos destacados, así como datos de poboación, extensión da cidade, data de fundación e xentilicio dos seus habitantes. Cun trazo simple e realista é fácil recoñecer a riqueza patrimonial que se mostra a través de “Eixiño”, a divertida mascota do Eixo Atlántico.
Esta publicación foi concibida inicialmente como unha unidade didáctica para os intercambios de escolares entre cidades do Eixo Atlántico que se iniciaron leste mesmo ano.
Dada a calidade, frescura e interese deste cómic decidiuse amplialo e convertelo nun vehículo de difusión do patrimonio das cidades nunha linguaxe moderna e urbana, alcanzables a nenos, novos e adultos coa intención de profundar na interiorización do territorio da eurorrexión, tanto nos que se refire a cuestións tanxible, como intanxibles.No territorio da eurorrexión Galicia Norte de Portugal habitan máis de 6,5 millóns de persoas que atravesan o territorio como un único espazo continuo, e onde abundan as coincidencias culturais e idiomáticas que se resumen nun dos lemas máis aclamados no ámbito do turismo como é “Dous países, un destino”.
Notas Biográficas do autor
Norberto Fernández, nacido en 1967 en Vigo, comezou a publicar tiras de prensa en xornais locais como Atlántico Diario e Faro de Vigo. A finais dos anos 80 do pasado século. Posteriormente faríao en revistas de ámbito nacional como O Víbora (Ed. A Cúpula) ou Eros Comix (Ed. Dolmen) alternando estes traballos coa súa colaboración na revista “Golfiños” coa obra “O Castelo regadeira” que tería continuidade no xornal La Voz de Galicia no que tamén publicaría unha “Historia da Coruña” en cómic. Coa editorial Kelidoscope publicou “Fábulas *Benévolas” e con Dolme Editorial “Quatroccento”, “Erika” e “A lenda do cabaleiro”. A principios do ano 2.000 comeza a publicar en EEUU como portadista en “Grimm Fairy Tales” (Ed. Zenescope), facendo traballos de entintador en Exiles X-Men (Ed. Marvel Cómics) e como debuxante e colorista nas novelas gráficas “Tattered man” e “Retrovirus”, con guion de Jimmy Palmiotti e Justin Grey (Ed. Image Cómics)?
O debuxante galego, con máis dunha vintena de obras publicadas, publicou cómics eróticos en Penthouse Comix e Eros, e outros con forte carga erótica no Víbora (a serie "Broz"). Participou en cómics colectivos como Magical Mystery Tour (Sulaco Edicións), e a súa primeira monografía foi fan editada por Santiago Navarro: “Fábulas benévolas”.
O seu editor máis consecuente foi Dolmen, que publicou tres libros de historietas seus: O cabaleiro despollado, Erika e Quattrocento. Tamén deseñó varios carteis para o Eixo Atlántico entre os anos 1996 e 2000. “O Báculo de Daghdha”, publicado en 2017, foi a súa anterior colaboración coa entidade transfronteiriza.
Pode descargar a publicación neste ENLACE ou acediendo á sección BIBLIOTECA desta páxina web