Os artistas poden inscribirse até o 20 de setembro e o premio ascende a 8.000 euros
No ámbito do programa de Braga 2021 - Capital da Cultura do Eixo Atlántico, o Concello de Braga lanza o desafío aos ilustradores nacionais e internacionais de representar o patrimonio material e inmaterial do territorio do Eixo Atlántico do Noroeste Peninsular.
Promovido en colaboración coa Escola Superior de Design do Instituto Politécnico do Cávado e da Ave (IPCA) e coa participación da Asociación Galega de Profesionais da Ilustración, o premio bianual distinguirá o vencedor cun premio de 8000 euros”. As obras recoñecidas presentaranse nunha exposición e nun catálogo coas obras dos 15 autores finalistas que se producirá en asociación con “Braga en Risco “ Encontro de Ilustração”. Cada ilustrador poderá participar con tres traballos até ao día 20 de setembro.
Preténdese con este premio descubrir e recoñecer o talento na área da ilustración e intensificar a consolidación desta mesma expresión artística na cidade en coordinación coas estratexias culturais do Plan de Actividades do Municipio de Braga e da Estratexia Cultural de Braga 2020-2030, especialmente na organización do “Braga en Risco”, evento con crecente recoñecemento entre os profesionais desta manifestación artística, e na aposta do Street Art e das linguaxes artísticas urbanas, áreas cada vez máis significativas para a configuración das Cidades Creativas. Da mesma forma, o concurso posibilitará a promoción e a divulgación do patrimonio cultural material e inmaterial do territorio do Eixo Atlántico.
Os artistas que pretendan participar no concurso deben presentar as súas candidaturas a través do seguinte formulario:
Ficha de inscrição interactiva
o regulamento pode descargarse aquí.