Braga vén de ser escollida como mellor destino turístico europeo da rede de Destinos Europeos de Excelencia, EDEN.
11 febreiro 2021. Braga vén de ser escollida como mellor destino turístico europeo da rede de Destinos Europeos de Excelencia, EDEN. Braga foi seleccionada entre outras 20 cidades, deixando atrás coñecidos destinos como Roma, París, Florencia ou Taiti. A adquisición do selo de mellor destino turístico europeo impulsa de media un 15% o turismo no lugar seleccionado segundo as estimacións da organización.
A pugna por ser o mellor destino turístico europeo rompeu este ano o seu propio récord de participación coa implicación de 600.000 persoas de 192 países diferentes.
A iniciativa promovida por European Best Destinations acada en 2021 a súa duodécima edición. Nos últimos anos destacáronse cidades coma Colmar (Francia), Breslavia (Polonia), Budapest (Hungría) ou Porto (Portugal).
O movemento de mellores destinos turísticos europeos está impulsado pola rede de Destinos Europeos de Excelencia, EDEN polas súas siglas en inglés: a rede de destinos turísticos recoñecidos pola Comisión Europea pola súa calidade na oferta turística e respeto ao medioambiente.
Parabéns a Braga polo recoñecemento!