Do 30 de maio ao 2 de xuño, a cidade portuguesa de Braga será a anfitrioa da Semana Turismo de Fronteira Europea que aglutina os dous eventos
Consulte o programa do Foro de Turismo na seguinte ligazón: PROGRAMA (GAL)
A inscrición, totalmente de balde, pode cumprimentala nesta ligazón
O próximo 30 de maio Braga acollerá o Primeiro Foro de Turismo de Fronteira Europeo que abordará este novo concepto que xorde no marco de dúas accións financiadas con fondos europeos de cooperación: O Proxecto Destino Fronteira, financiado polo POCTEP España-Portugal e o Proxecto EPICAH, financiado por Interreg Europe e liderados ambos polo Eixo Atlántico. Epicah configura un grupo de traballo formado por 8 rexións fronteirizas europeas, que veñen reflexionando e analizando propostas para a preservación do patrimonio e o seu aproveitamento turístico, desde hai dous anos.
No caso de Destino Fronteira, participa o conxunto da fronteira hispano portuguesas a través dos socios da Rede Ibérica de Entidades Transfronteirizas, RIET, que promove identificar fontes para o desenvolvemento económico e a repoboación da fronteira en base a un turismo sustentable centrado no patrimonio natural, cultural e monumental.
Este concepto desenvolve unha estratexia baseada na preservación do patrimonio natural e cultural dos territorios de fronteira para o seu aproveitamento económico a través dun turismo sustentable. A idea que impulsa é a de convidar as persoas a que percorran a fronteira e que non se limiten a cruzala, xa que estas adoitan ser territorios con gran riqueza histórica, cultural e natural.:
Este foro de carácter aberto e gratuíto reunirá a especialistas de toda Europa e pretende aglutinar a todos os sectores da eurorrexión implicados no desenvolvemento do turismo transfronteirizo. A participación no foro require de inscrición até o próximo día 13 de maio ou até a cobertura do aforamento, limitado a 200 persoas, para garantir a calidade do debate entre os asistentes.
Expocidades con acceso gratuito
O Primeiro Foro de Turismo de Fronteira Europeo será previo á apertura de Expocidades, a Feira do Turismo de Proximidade do Eixo Atlántico, que abrirá as súas portas na citada cidade de Braga do venres 31 de maio, ao domingo 2 de xuño, no contexto da Semana do Turismo de Fronteira Europeo.
O acceso a Expocidades é libre e gratuíto e celebrarase nos seguintes horarios:
Xoves 30 de maio. Inauguración ás 18 h.
Venres, día 31 de maio: de 14 ás 23 horas
Sábado, día 1 de xuño: de 14 ás 23 horas
Domingo, día 2 de xuño: de 10:30 h. ás 18 horas
NOTA: Horarios na hora local de Portugal