Comboios de Portugal confirma ao Eixo Atlántico que o Tren Celta volverá a conectar Porto e Vigo sen transbordo en Viana do Castelo
O Eixo Atlántico informa que, debido ás xestións do seu presidente, Luís Nobre, ante Comboios de Portugal (CP), e tras as conversacións telefónicas mantidas co presidente da compañía ferroviaria, Pedro Moreira, confirmouse que o servizo internacional do Tren Celta entre Porto e Vigo reanudaráse en decembro de 2025, sen necesidade de transbordo en Viana do Castelo.
A decisión de CP de implementar temporalmente o transbordo en Viana do Castelo respondeu a dous factores: o retraso nas obras de electrificación da liña do Algarve e a dispoñibilidade limitada de automotoras da serie 592, alugadas a RENFE, que alcanzaban o límite contractual de uso.
Durante este período transitorio, as conexións ferroviarias mantivéronse da seguinte maneira:
- Entre Porto e Viana do Castelo: con automotoras eléctricas da serie 2240.
- Entre Viana do Castelo e Vigo: con automotoras diésel da serie 592.
Non obstante, o Eixo Atlántico, no contexto de mellorar a conectividade ferroviaria entre Galicia e Portugal, defende a proposta de xestionar o servizo a través dunha empresa mixta en substitución de Renfe e CP, que utilice trenes bitensión e permita ampliar a conexión ata A Coruña, promovendo así un servizo con Porto.
Así mesmo, o Eixo Atlántico non descarta a opción de que, se o servizo non mellora, se contacte con operadores privados para avaliar o seu interese en prestar servizo nesta liña, tal como no seu momento solicitou Avanza. Esta solicitude foi aprobada inicialmente, pero quedou sen efecto debido á reestruturación de Avanza na Península Ibérica.