A Comisión Executiva aprobou a celebración da Asemblea Xeral o 24 de febreiro en Lugo coincidindo coa inauguración da Capital da Cultura que terá lugar a noite anterior
A presidenta do Eixo Atlántico, Lara Méndez, presentou ante a Comisión Executiva reunida esta mañá en Santiago de Compostela, o informe no que recolle todas as accións desenvolvidas pola entidade en 2022, así como a proposta de programa e orzamento que levará á Asemblea Xeral para a súa aprobación definitiva.
Doutra banda, a Comisión Executiva aprobou a fusión da Comisión Política de Innovación coa Comisión Política de Política Social, que se refundirán na Comisión Política de Innovación Social.
Durante a reunión, os alcaldes membros foron informados sobre a celebración da Xornada de Política Urbana Europea, que organizará o Eixo Atlántico o 10 de marzo en Viana do Castelo. Este evento abordará o impacto da Política Urbana e a Política Marítima da Unión Europea nas cidades do Eixo Atlántico. Durante a xornada, os asistentes presentarán os seus proxectos relacionados co Trato Verde, a Bauhaus e a nova política urbana europea.
Así mesmo, na Comisión Executiva aprobouse que a sede do Seminario de Intercambio de Experiencias (SIE) no ámbito de Sustentabilidade Urbana sexa Valongo, mentres que o SIE de Turismo organizarase en Vila Real.
