Dous dos gañadores da XIII exposición de pintura falan no programa de radio "Diario Cultural" sobre que lles inspirou, que materiais e técnicas empregaron e por que decidiron participar na Bienal
O xurado da XIII edición da Bienal de Pintura, presidido polo artista Antón Pulido, decidiu outorgar o premio a Tito Senna e a Breogán Torres na categoria de Xóvenes Talentos. O tribunal tamén se compuxo por Marta Ferreira, secretaria, e catro vogais, Carlos López Bernárdez, Helena Mendes Pereira, Patrícia Oliveira e Fátima Teles.
Tito Senna, gañador da XIII Bienal de Pintura, comezou a pintar a súa obra gañadora “Coraçao Resiliente” na pandemia. “O corazón foi levado ao extremo. Todo o mundo pasou por momentos no que o corazón apretou”. Estes sentimentos, provocados polo confinamento, foron os achegaron ao artista brasileiro á inspiración para crear.
A peza está composta por 25 pequenas pinturas dun corazón dende diferentes perspectivas e foi un reto xa que contaba con moitas limitacións para conseguir os materiais.
O vigués Breogán Torres coñece dende Estocolmo, cidade na que está a estudar, a nova de que é o gañador de Xóvenes Talentos da Bienal. A obra, titulada “As cancións de mariñeiros que falan de liberdade escríbeas xente de terra”, está pintada con tinta chinesa e pretende fuxir de idealizar a paisaxe do mar galego. “É moi doado, ao ser unha cultura minoriza, caer en exotizarnos a nós mesmos. Eu non son mariñeiro, estou nunha situación privilexiada. Cando miro a paisaxe teño que entender que ven de algo moito mais fondo”, asume o artista.
Pode esoitar a entrevista completa do programa Diario Cultura de Radio Galega neste enlace.
A XIII Edición da Bienal de Pintura do Eixo Atlántico inclúe, como novidade, a posibilidade de facer un pecorrido virtual pola exposición. Cada cadro contén un globo de información cos datos da obra e o autor. Pode facer a visita virtual premendo nesta ligazón.