A primeira fase da intervención comeza en 2016 para estar concluída o ano seguinte
Permitirá a circulación de bicicleta entre Mesão Frío e a Veiga de Creixomil, ademais de ser creadas conexións ao centro da cidade. Nunha segunda fase, a terminar en 2020, a Ecovía conectará os pobos de Brito, Ronfe, Pevidém e Taipas.
O Concello de Guimarães pretende iniciar, en 2016, a construción da primeira fase da Ecovía, unindo o percorrido existente da Pista de Cicloturismo de Mesão Frío ao Parque da Cidade de Guimarães e á Veiga de Creixomil, nun total de 19,66 quilómetros de vía incluíndo os percorridos a realizar na costa de Mesão Frío, na antiga liña do ferrocarril que conecta á rotonda da Avenida D. João IV, na Rúa das Eiras, no Camiño Real e ao viaduto da Variante de Creixomil, entre outros.
Realizada a primeira fase, que se desexa que quede concluída até 2017, o Municipio de Guimarães iniciará a segunda fase do proxecto que conectará os pobos de Brito, Ronfe, Pevidém e Caldas das Taipas, construíndose deste xeito, até 2020, a estrutura fundamental da rede municipal de percorridos ciclistas.
O obxectivo desta intervención é xeneralizar o uso da bicicleta na vida cotiá dos vimaranenses, transformándoa nun medio de transporte e non soamente nun vehículo de lecer ou de deporte.