Asociación de Desenvolvemento Local “Vale do Este” asóciase ao proxecto “Os nosos Ríos” e adopta o río Guizande
Promovido polo Concello de Vila Nova de Famalicão, o proxecto “Os nosos Ríos” comeza a dar os primeiros sinais de participación activa das institucións e da poboación na limpeza e recualificación dos ríos e das marxes ao seu paso polo municipio. É o caso da campaña que vai transcorrer durante a mañá do próximo día 15 de outubro, sábado, no Río Guizande, nunha iniciativa da “Engenho”, Asociación de Desenvolvemento Local do “Vale do Este”, co apoio do concello a través do Departamento de Medio Ambiente.
O Concello lanzou a mediados de maio de 2016 o proxecto “Os nosos Ríos” en colaboración coa Axencia Portuguesa de Medio Ambiente. O proxecto ten como principal obxectivo a recualificación e rehabilitación dos ríos e das marxes, fomentando a que a poboacion participe en accións de sensibilización e educación para a limpeza, preservación e mantemento dos espazos.
O obxectivo final é a creación de corredores naturais e ecolóxicos nas marxes dos ríos que atravesan o municipio, respectando e valorando a fauna e a flora existentes.