O municipio de Braga acaba de formalizar a adhesión á CityMobilNet, unha rede integrada no URBACT III, Programa Europeo de Apoio as Redes Temáticas de Cidades, lanzado pola Comisión Europea, que promove e financia a constitución de redes temáticas de cidades que traballen no desenvolvemento de solucións comúns para os desafíos urbanos da actualidade
A adhesión foi concretada o pasado día 22 de febreiro, durante unha reunión de traballo que contou coa presenza do coordinador europeo do URBACT III, Klaus Kölinger. O concelleiro Urbanismo, Ordenamento e Mobilidade do municipio de Braga, Miguel Bandeira, explicou que o encontro tivo como obxectivo a recollida de contribucións para a construción da rede que está formada por cidades consideradas referencias no que se refire á mobilidade urbana sustentable. "Esta rede ten por base a aprendizaxe e intercambio de coñecemento entre as cidades participantes que, desta forma, manifestan a súa vontade de promover un desenvolvemento inclusivo e participativo ao redor da mobilidade sustentable", afirmou. Na inauguración do encontro participaron axentes e institucións da rede local de mobilidade como a Universidade do Minho, a CIM Cávado, Transportes Urbanos de Braga, Quadrilátero Urbano, Braga Ciclável e técnicos municipais das Divisións de Planificación, Mobilidade e Tráfico da cidade. A rede CityMobilNet visa a elaboración de Plans de Mobilidade Sustentable por toda Europa.
Para o período 2014-2020, o URBACT III ten como obxectivo mellorar a capacidade das cidades europeas na elaboración de Plans Integrados para o Desenvolvemento Urbano Sustentable (DUS), cun elevado grao de participación pública.