No caso de Compostela, optouse por axentes lusos porque os turistas desta nacionalidade son os máis numerosos
Os dous axentes da policía portuguesa que este ano se sumaron ao dispositivo especial de seguridade organizado durante as Festas do Apóstolo xa están a patrullar polas rúas de Santiago. A súa presenza débese ao plan Comisarías Europeas da UE co que se quere fomentar a coordinación dos distintos corpos de seguridade da unión. No caso de Compostela, optouse por axentes lusos porque os turistas desta nacionalidade son os máis numerosos na cidade e así poderán atenderlles na súa propia lingua e coñecendo os procedementos do seu país.