Ricardo Rio, alcalde de Braga e presidente do Eixo Atlántico é o único membro portugués no novo Grupo de Traballo para o Pacto Ecolóxico creado polo Comité das Rexións Europeo
Ricardo Río considera que “o éxito do European Green Deal pasará polo estudo e adopción da perspectiva dos órganos de poder locais e rexionais e a través da cooperación dos diferentes países”.
O de alcalde Braga é o único membro portugués a integrar o novo Grupo de Traballo para o Pacto Ecolóxico a Nivel Local creado polo Comité das Rexións Europeo.
O Grupo de Traballo para o Pacto Ecolóxico a Nivel Local está constituído por 13 membros do seis comisións e do seis grupos políticos do Comité das Rexións. O seu obxectivo é asegurar que os municipios e as rexións da UE participen directamente na definición, execución e avaliación das numerosas iniciativas no ámbito do Pacto Ecolóxico Europeo, a estratexia de crecemento sustentable da UE para obter a neutralidade climática en 2050.
“Neste tempo de enormes desafíos, hai unha oportunidade clara para a creación dun novo modelo de desenvolvemento. O Green Deal establece unha visión para unificar a UE desde o punto de vista da sustentabilidade, pero tamén representa ese novo e necesario modelo de desenvolvemento europeo que os cidadáns desexan”, afirma.
As áreas prioritarias actuais do grupo de traballo inclúen a Lei Europea do Clima e o Pacto Europeo para o Clima, o Fondo para unha Transición Xusta, unha nova estratexia industrial para Europa, aire e augas limpas, o hidróxeno, o Novo Plan de Acción para a Economía Circular, a biodiversidade e as zonas forestais.