A frota municipal xa conta cun total de 12 coches eléctricos e o obxectivo é renovar todo o parque automóbil do municipio até 2021
Os dous mini-autobuses eléctricos que diariamente circulan na cidade de Viana do Castelo, Caramuru e Himalaia, xa transportaron máis de medio millón de pasaxeiros. Así, entre setembro de 2005 e 31 de decembro de 2019, os mini-autobuses transportaron 500.519 persoas.
Se, en 2005, ano en que o servizo entrou en funcionamento, foron transportadas 4.370 persoas, en 2019 os pasaxeiros que usaron este servizo foron 39.362.
A opción do concello por este tipo de transporte débese ao feito de tratarse dun medio amigo do ambiente urbano, de ser o máis adecuado para o seu uso nos centros urbanos e tamén pola súa fiabilidade e baixo custo de explotación.
En 2010, os autobuses duplicaron o seu circuíto, nunha nova lóxica de mobilidade e de oferta de servizos de transportes do Concello, pasando polas principais arterias da cidade.
A frota municipal xa conta cun total de 12 coches eléctricos e o obxectivo é renovar todo o parque automóbil do municipio até 2021. A substitución da frota automóbil por vehículos máis amigos do ambiente é unha das 30 medidas da Estratexia Municipal de Adaptación ás Alteracións Climáticas.