No ámbito da estratexia “Smart City”, o municipio de Bragança dispón, para smartphones, dunha innovadora e intuitiva aplicación, de uso gratuíto e destinada a residentes, visitantes e turistas.
A través da nova App, “Bragança + Perto”, pódese acceder a noticias, consultar a axenda de eventos, os contactos, puntos de interese, participar nos “orzamentos participativos”, reportar problemas/iniciativas que atope no municipio, acceder a informacións sobre os postos de carga de vehículos eléctricos, así como consultar o estado dos seus trámites, entre outras informacións útiles.
Deste xeito, Hernâni Días, alcalde de Bragança, detallou a medios locais que “traballamos diariamente para a construción dun territorio máis atractivo para vivir, visitar e investir, a través do desenvolvemento de accións, iniciativas e proxectos intelixentes, que garantan máis calidade de vida e felicidade para os cidadáns”.
Días apuntou que “esta innovadora e intuitiva aplicación é de todos e para todos, destinándose a residentes, visitantes e turistas”.