A cidade celebra de venres a domingo a gran festa de recreación histórica
Os días 15, 16 e 17 de xuño de 2018 un fenómeno máxico apodérase de Lugo transformando a cidade por completo, enchéndoa de personaxes ancestrais que xa non deberían de camiñar entre nós. Velaquí a maxia do Arde Lucus, retroceder no tempo para gozar do noso legado cultural e histórico en primeira persoa.
Os lucenses saen á rúa a demostrar, que ademais de ter ganas de festa, están orgullosos do seu pasado, das súas orixes, de Lucus Augusti.
As 17 asociacións de recreación histórica de Lugo, convídannos a presenciar como era a vida no Imperio Romano, desde o aspecto económico ao familiar, pasando polo de carácter militar ou mesmo político, incluídos os nenos e nenas, que teñen xogos nos campamentos e ata un espazo propio, o Miúdo Arde.
Descarga aquí o programa, onde se dan cita, entre outras, as tropas romanas, tribos castrexas, e o ruxir dos tambores; e devólvennos 2.000 anos atrás.
Consulta toda a información na web do Arde Lucus