A través do seu portal HAVE YOUR SAY, a Comisión quere solicitar as opinións acerca das problemáticas que sofren os territorios transfronteirizos e os seus habitantes co fin de impulsar solucións que favorezan a calidade de vida e a economía
Achegar as institucións europeas á cidadanía, escoitar ás súas opinións e a doutros actores da sociedade civil, e facerlles partícipes na toma de decisións son aspectos craves do principio democratizador que a Unión Europea tenta promover a través das súas consultas públicas. Por iso, o pasado 19 de outubro a Comisión Europea lanzou a consulta pública “Solucións para superar as barreiras fronteirizas” no seu portal Have Your Say.
Os territorios transfronteirizos enfróntanse a múltiples limitacións (especialmente de índole jurídidca e administrativa) en comparación a outras rexións europeas, que xeran un impacto negativo na calidade de vida e benestar dos seus habitantes. Exemplos das actividades afectadas poden ser o aceptar un emprego cun empleador próximo ao domicílio, pero alén da fronteira, comprar ou vender mercadorías e acceder á educación ou a outros servizos públicos. Non só as actividades cotiás ven afectadas por estes obstáculos, senón tamén a economía do territorio, causando a perda de PIB e de potencial de emprego nas rexións fronteirizas. Segundo a Comisión Europea, se se resolvesen o 20 % dos obstáculos actuais, podería xerarse un aumento do PIB do 2%.
Neste contexto, a consulta pretende recoller as opinións da cidadanía e das entidades situadas nos territorios fronteirizos (Administracións rexionais e locais, as autoridades e os proxectos Interreg, a sociedade civil e a ONG) sobre os obstáculos aos que se enfrontan diariamente no seu territorio. Así mesmo, quere coñecer as súas propostas para abordalos e crear unha nova proposta de Regulamento que xere claridade xurídica respecto diso. Esta iniciativa modificaría a proposta de 2018 para crear un mecanismo de superación de obstáculos administrativos transfronteirizos, tendo en conta as preocupacións expostas polos Estados membro en materia de competencias, e daría lugar a unha nova proposta da Comisión Europea respecto diso.
Desde a CE fan un chamamento á participación na consulta, aberta até o 16 de novembro, para garantir que as rexións fronteirizas da UE e as persoas que viven nelas poidan detectar as dificultades, propor solucións e recibir unha resposta adecuada das autoridades competentes sobre estas.
