A Sala de Exposicións do Auditorio Municipal de Vilalba acolle, do 2 ao 30 de xuño, unha selección de preto de 30 obras premiadas e finalistas da XV Bienal de Pintura do Eixo Atlántico, unha das mostras de arte contemporánea máis destacadas do espazo Galicia–Norte de Portugal.
A exposición reúne obras de artistas emerxentes e consolidados de ambos territorios, consolidando a Bienal como unha plataforma de referencia para a difusión da creación contemporánea e o diálogo cultural entre Galicia e Portugal.
🕕 Horario de visita
De luns a venres, de 18:00 a 22:00 h.
🏆 Obras destacadas desta edición
🥇 “Sobre a liberdade de Ser”, de Acácio Viegas
🥈 “Rompiendo límites”, de Javier Pena
🌟 Premio Novos Talentos: “Lo que vi”, de Afonso António
🎖️ Mencións de honra para “Lamento por los Antiguos Maestros”, de Esther Moe Dowson, e “(Des)fragmentado”, de Rodolfo Lopes.
📍 A mostra forma parte dun percorrido itinerante que visitará once municipios galegos e portugueses, reforzando a cooperación cultural transfronteiriza.
📅 Próximas paradas da itinerancia:
- Xullo – Vila Real
- Agosto – Bragança
- Setembro – Monforte de Lemos
- Outubro – Barcelos
- Novembro – Felgueiras
- Decembro – Carballo
Unha oportunidade para descubrir a creatividade, diversidade e talento que unen Galicia e Portugal a través da arte contemporánea.