• Inicio
• Mapa Web
• Contacto

Eixo Atlântico

do noroeste peninsular

A ministra González-Sinde reivindica a cultura como factor crave de desenvolvemento socio-económico

Comparecencia ante a Comisión de Cultura do Parlamento Europeo

A Ministra española de Cultura, Ángeles González-Sinde

27-01-2010

A ministra de Cultura, Ángeles González-Sinde, compareceu ante a Comisión de Cultura do Parlamento Europeo para presentar as principais liñas de actuación da Presidencia española da Unión Europea no ámbito cultural e que se centran, fundamentalmente, en tres eixos prioritarios: o aproveitamento do potencial cultural con vistas ao desenvolvemento local e rexional; a consolidación da cultura como factor de crecemento económico e de cohesión social; e o desenvolvemento e difusión dos contidos culturais de carácter dixital.

“Situar a cultura entre as prioridades da axenda europea contribuirá non só a acelerar a recuperación económica e á creación de emprego, senón que tamén fortalecerá á cidadanía e fará tamén máis forte o proxecto europeo”, manifestou a ministra de Cultura no transcurso da súa intervención. Igualmente destacou a importancia de velar pola diversidade cultural, o respecto e a defensa de todas as linguas europeas para que cada cidadán europeo poida dirixirse ás institucións da UE na súa lingua materna.


Aproveitar o potencial cultural con vistas ao desenvolvemento local e rexional
A iniciativa comunitaria Selo" do Patrimonio Europeo", promovida inicialmente por Francia e España, plasmarase nunha proposta lexislativa da Comisión de Cultura durante a Presidencia española da UE. Os principais obxectivos desta iniciativa son fomentar a identidade europea e a participación dos cidadáns na construción de Europa; promover o patrimonio cultural europeo e o desenvolvemento sustentable a través do turismo cultural.

Durante a súa intervención, González-Sinde desatacou a contribución das industrias culturais e creativas á xeración de emprego e ao crecemento económico, polo que anunciou a intención da Presidencia española de contribuír ao seu impulso, así como o aproveitamento das oportunidades que esta industria ofrece para consolidar a cultura como factor de crecemento económico e cohesión social.


Debate sobre "Europeana" e análise do impacto da dixitalización no cinema
A terceira prioridade da Presidencia española no ámbito cultural é o desenvolvemento e difusión dos contidos culturais de carácter dixital co fin de, non só adaptar a cultura europea ao cambio, senón de liderar este cambio. Durante a súa intervención a Ministra detallou como: incentivando a extensión da dixitalización do noso patrimonio cultural para a súa difusión, promovendo a creación cultural na rede e aplicando as tecnoloxías dixitais aos servizos culturais europeos.

Respecto ao futuro de "Europeana", a Presidencia española tratará de que o Consello adopte unhas conclusións destinadas a acordar que a biblioteca dixital europea evolucione cara a unha iniciativa comunitaria. O obxectivo é xerar maiores esforzos de dixitalización, conseguir unha maior estabilidade financeira, e dotar á biblioteca dixital dunhas estruturas de xestión máis capacitadas para facer accesible o patrimonio europeo dixitalizado.

Finalmente, a Presidencia española da UE abordará o debate sobre o desafío que supón a integración das tecnoloxías dixitais na difusión e exhibición do cinema en Europa. Os días 5 e 6 de marzo terá lugar en Barcelona o seminario sobre "O impacto da tecnoloxía dixital sobre a exhibición cinematográfica", cuxo obxectivo é reflexionar sobre como afectará esta transformación no futuro das salas de cinema.

A Ministra española de Cultura, Ángeles González-Sinde