• Inicio
• Mapa Web
• Contacto

Eixo Atlântico

do noroeste peninsular

O “Fantasporto” chega con máis de 400 películas

A 30ª edición do festival internacional de cinema de Porto, homenaxeará ao cinema francés

09-02-2010

A 30ª edición do “Fantasporto” celebrarase entre os días 22 de febreiro e 7 de marzo, no teatro municipal Rivoli e no Espazo Cidade do Cinema, onde serán exhibidos máis de 400 películas, anunciou a organización do festival.

"Eu creo que o principal titular é o propio Fantas, é a festa dos 30 anos de Fantasporto”, afirmou Mário Dorminsky, director do festival.

Segundo o responsable do  festival, das experiencias da conexión da arquitectura e o cinema, en 2010 foron creados dous programas, un de efectos especiais e outro relacionado coa robótica.

"No caso da robótica o programa é apoiado pola Universidade de Porto", afirmou Dorminsky, que engadiu que no caso dos "efectos especiais realizaranse varias “masterclass” con dous nomes importantes desta área a nivel mundial, un dos cales gañou tres Oscar coa película de Guillermo del Toro, “O Labirinto do Fauno".

O director do festival, que este ano cumpre 30 anos, destacou que o Fantas, como sempre, dá especial apoio ao cinema portugués, tendo este ano unha retrospectiva dedicada a Luís Galvão Teles, produtor e realizador que vai ser homenaxeado e recibir o premio á súa carreira?.

"Un das principais accións do festival, será a homenaxe ao cinema francés", para a que realizará unha gran retrospectiva do cinema francés que conta a historia do cinema mundial".

Para o director do "Fantas" aquilo que aínda "non está á altura" da 30ª edición do festival "é a parte dos invitados", subliñado que a organización "quere moito máis".

A sesión de apertura oficial do festival está marcada para o día 26 de Febreiro, no gran Auditorio do **Rivoli, coa estrea de "*Solomon *Kane", producido por Samuel Hadida e dirixido por Michael J. Basset, unha película inspirada nun libro de Robert E. Howard.

O peche será coa película "The Crazies", do realizador Breck Eisner. O programa conta tamén coas tradicionais seccións oficiais competitiva do festival - Cinema Fantástico, Cinema Fantástico en curtametraxes, Semana dos Realizadores e Orient Express.

O Fantasporto, que preside á Dirección da Federación Europea de Festivais de Cinema Fantástico, obtivo en 2008 o premio de maior evento cultural realizado en Portugal e foi clasificado pola revista norteamericana "Variety" como "un dos 25 máis importantes festivais de cinema, do mundo".

O Labirinto do Fauno, de Guillermo del Toro