• Inicio
• Mapa Web
• Contacto

Eixo Atlântico

do noroeste peninsular

Consultora portuguesa defende os pequenos investimentos do Estado no seu país

Ernâni Lopes, coautor do documento, defende as pequenas obras promovidas polo Estado como solución, e pide o aprazamento do Tren de Alta Velocidade e do novo aeroporto de Lisboa.

21-01-2010

A economía portuguesa crecerá este ano por baixo da media da Zona Euro, e non será suficiente para "mellorar claramente a situación do desemprego", di o informe trimestral da empresa consultora SaeR, onte presentado. Ernâni Lopes, coautor do documento, defende as pequenas obras promovidas polo Estado como solución, e pide o aprazamento do Tren de Alta Velocidade e do novo aeroporto de Lisboa.

O informe trimestral de Decembro de 2009, elaborado polo propio Ernâni Lopes e José Poças Esteves, engade que, "dato o nivel de endebedamento, público e privado, da economía portuguesa e o risco de sufrir o contaxio dos efectos de situacións potencialmente de ruptura de economías en peor situación, en termos de percepción do sistema financeiro internacional, Portugal deberá adoptar unha estratexia de consolidación”.

Nun contexto de inicio de recuperación económica, e no que se refire ás contas públicas, Portugal debe evolucionar "na consolidación orzamentaria acordada con Bruxelas" porque, conclúe a consultora, "calquera desvío significativo neste sentido, si ese desvío non se xeneraliza ás demais economías, podería crear dificultades de financiamento das contas públicas e, por contaxio, aos actores do sector privado".

O economista Ernâni Lopes só ve un camiño para crear emprego a curto prazo, que pasa por unha política de investimento público en pequenas obras diversificadas. O director-xeral da SaeR, defendeu tamén que o tren de Alta Velocidade (TGV) non debe arrincar no actual cadro económico e que a construción do Novo Aeroporto de Lisboa só debe comezar cando a capacidade do actual aeroporto da Portela estea esgotada.